كان خدام كيضحك جمهورو.. كوميدي ميريكاني هجم عليه واحد بجنوية فوق المسرح – فيديوهات

انتشرات مقاطع فيديو كتوثق تعرُّض الممثل الكوميدي الميريكاني "ديف تشابيل"، لهجوم على خشبة مسرح "هوليوود بول" فلوس أنجلوس.
تشابيل كان كيقدم عرض فمهرجان كوميدي قبل ما يهجم عليه شاب فعمرو 23 سنة، هاز فيديه فردي بلاستيكي مخشي فيه موس.
التدخل ديال الأمن وليكَاردكور، اللي كان جزء منهم مورا خشبة المسرح وآخرين قدامها، قدرو أنهم يعتقو الموقف اللي كان ممكن يسالي بجريمة على المسرح وكَدام كلشي.
كريس روك اللي كان مشارك حتى هو فنفس المهرجان، مللي طلع فوق المسرح علق على الحادثة، وقال طانز: "واش كاين ويل سميث هنا؟"، في إشارة للتصرفيقة اللي عطاه فوق مسرح الأوسكار.
Someone rushed the stage and attacked Dave Chappelle during his Hollywood Bowl performance ... and the surreal moment was caught on video. https://t.co/kFf1BvJDvt pic.twitter.com/tQzrt6tMLj
— TMZ (@TMZ) May 4, 2022