رئيس اوكرانيا استدعى سفيرو فالمغرب: كاينين اللي ما كيخدموش وباغيين غير يبقاو فبلايصهم

اوكرانيا استدعات سفيرها فالمغرب وحتى فجورجيا. ماشي بسباب ازمة مع المغرب ابدا. ڤلودومير زيلينسكي٬ رئيس هاد الدولة اللي كتعرض للغزو من روسيا وكتعيش هادي تقريبا شهر فحرب٬ قال "كاينين شي وحدين كيضيعو وقتهم. ما كيخدمو الا باش يبقاو فبلايصهم"
واضاف "اليوم وقعت على مرسوم اول لاستدعاء سفير اوكرانيا فالمغرب وسفير اوكرنيا فجورجيا"
طبعا الرئيس للي ولى بطل شعبو قال باللي كيتسنى من سفراء بلادو فامريكا اللاتينية والشرق الاوسط وجنوب شرق اسيا وافريقيا يبينو حنة يديهم. كما اوضح باللي كيتسنى من الملحقين العسكريين فليام الجاية نفس النتيجة.
رئيس اوكرانيا قال باللي "الجبهة الدبلوماسية هي إحدى الجبهات الرئيسية، ويجب على الجميع العمل بفعالية".