وزير الداخلية الاسباني على لمغاربة اللي حاصلين فالخزيرات: كنهتمو بصحة كاع اللي فبلادنا وكاين تنسيق مع الرباط

قال وزير داخلية اسبانيا فرناندو كراندي مارلاسكا قبل قليل فندوة صحافية ان مدريد كتهتم بصحة كاع اللي كاينين فوق التراب الوطني. هاد الجواب دارو علي سؤال بخصوص لمغاربة اللي حاصلين فالخزيرات دابا. الوزير قال ان بلادو كتهتم بصحة المواطنين كيفما كانت جنسيتهم او ديانتهم ….
الوزير للي علن على اغلاق حدود بلادو مع لطناش الليل وما بقى يدخل الا مواطنيه٬ اشاد بالعلاقات المغربية الاسبانية وقال انها مهمة مشيرا فلقاؤو ان “هناك تنسيق مغربي اسباني” فهاد الموضوع وفغيرو
يعني ان هادوك لمغاربة غاديين يبقاو تماك
المغرب كان سد الحدود مع اسبانيا وما بغاش يفتحها باش يدخلو اكثر من 400 شخص وقال رئيس الحكومة المغربي قبل يومين باللي الموضوع معقد. يعني خاصهم يبقاو تماك.
عدد كبير من هادو جايين من ايطاليا اللي فيها اكبر عدد من حاملي كورونا فيروس