شاب من أمريكا اللاتينية قتل مراهقة مغربية فالصبليون

albayancom0@gmail.com
ذكر موقع "دياريو خاين" الإسباني أن، البوليس ف بلدية خاين شدو شاب من أمريكا اللاتينية عندو 22 عام بسباب الاشتباه في قتل مراهقة من أصل مغربي عندها 14 عام ف بلدية ألكالا لا ريال. التقارير الأمنية كترجح وفاة الضحية بسباب الاختناق حد الموت بسبب ممارسة العنف الجنسي ضدها ودابا كيتسناو تقرير تشريح الجثة باش تعرف ظروف وملابسات الجريمة..
وبحسب نفس المصادر، هاذي الجريمة الثانية بسباب العنف الجنسي ف البلدية وجرت الأحداث ف محيط كنيسة والمتهم براسو هو اللي اتصل برقم الطوارىء 112 وخبرهم بالجريمة. البوليس والحرس المدني والوقاية المدنية لقاو الضحية عريانة حدا الدروج حسب بلاغ للسلطة القضائية. ودابا التحريات غادي تركز على البيئة الأقرب للقاصر والقاتل المزعوم لتحديد ما إذا كان علاقة عاطفية بين الاثنين.