ها فوقاش تحفر البير لي طاح فيه ريان.. وها شحال من بير حفرو كيقلبو على الما وخسرو كثر من 50 مليون

البير اللي طاح فيه ريان ماشي غير حفرة حسب وكالة الانباء الاسبانية ايفي، ولكنها محاولة فاشلة لتحقيق حلم بسيط بحال الحصول على الما ، فهاد المنطقة اللي كتفتقر إلى ابسط الحقوق، حيث لا يملك السكان المحليون حتى ما يكفي من المال لارسال أطفالهم إلى المدرسة.
ريان اللي كبر فجبال الريف المغربية وهو كيلعب بالبي والكرة وكان كيتعلم ركوب البيسيكليط ، مكانش كيبغي الألعاب الإلكترونية، ومكتعجبوش الهواتف النقالة ومكانش كيبغي التصوير.
فسنة 2015، يعني قبل عامين من ولادة ريان ، وملي كانت ختو لبنى (13 العام) وخوه بدر (11 العام) مولودين بالفعل ، قرر باه وولاد عمو وشي ناس فالدوار يقلبو على الما اللي عياو ومالقاوهش، وهاد المرة بداو يقلبو على بعد أمتار قليلة من دارو، واستثمر الاب 4000 اورو حسب ايفي، وحفر بير بطول 60 متر ومالقاش الما.
"تم حفر 13 بير فأرضنا وحدها ، وتم استثمار 51 الف اورو ويالاه لقاو الما فجوج بيار" ، كيشرح سعيد لوكالة الانباء.