الجرعة الثالثة مقابل الصالير..الحكومة: لي مدايرش الدوز الثالثة غانقطعو ليه من الصالير وممنوع من الخدمة

بدات الحكومة فتنزيل قرار إجبارية الجرعة الثالثة، في جميع القطاعات الوزارية، بحيث أصدرت وزارة الانتقال الرقمي وإصلاح الإدارة، مذكرة عمل، كتقول فيها بلي العاملين عندها فالوزارة لي مدايرينش الجرعة الثالثة ممنوع يدخلو لمقر الوزارة، وبالتالي غادي يتحسبو فحال تغيبو عن العمل وغايتم الاقتطاع من الصالير ديالهم.
واوضحت المذكرة " تقرر وجوب إدلاء العاملين بهذه الوزارة بجواز تلقيحهم أثناء الولوج إلى مقر الإدارة، وإدلاء المعفيين من التلقيح بجواز الإعفاء، والترخيص مؤقتا للذين لم يستكملوا بعد تطعيمهم لولوج مقر العمل بمجرد أخذهم الجرعة الأولى أو الجرعة الثانية".
عطات الوزارة سبعة أيام ديال الآجال باش العاملين يقادو وضعيتهم ف التلقيح.
.