من بعد دخولو بخيط بيض فالأزمة.. ملك وملكة إسبانيا دار جيست اخر وزار رواق المغرب فالمعرض الدولي للسياحة فمدريد – فيديو

فيليبي السادس ملك إسبانيا ومراتو الملكة ليتيزيا، دارو زيارة لرواق المغرب وبقاو كيرحبو بالمغاربة اللي كاينين فهاد الرواق وسط المعرض الدولي للسياحة المقام حاليا بالعاصمة مدريد.
طبعا الخطوة جات بعد الخطاب اللي دارو الملك فيليبي السادس، نهار الإثنين الفايت، خلال استقبال الوفود الدبلوماسية، واللي ماحضراتش فيه سفيرة المغرب حقاش ماكايناش فمدريد بعد استدعاءها من طرف المغرب هادي مدة.
https://fb.watch/aDOReVhcg2/
وجا دخول ملك إسبانيا على خط الأزمة مع المغرب، بعدما فشلات الحكومة الإسبانية فإيجاد حلول للمأزق الذي وضعت فيه نفسها بعد سماحها بدخول زعيم البوليساريو، إبراهيم غالي، إلى التراب الإسباني بجواز سفر وهوية مزورين، حيث يعول الإسبان على العلاقة الطيبة اللي كتجمع ملكهم مع الملك محمد السادس لتذويب الخلافات بين سلطات البلدين.