حزب بوكس المتطرف ماباغيش الخضرة المغربية تبقى تدخل لسبتة

حزب "بوكس" الصبليوني المتطرف، باغي يدير مقترح فالبرلمان ديالهم، على المواد الغذائية اللي كيستهلكوها سبتاوة، واللي باغيها تكون إسبانية "مية فالمية"، باش يمنع المنتوجات المغربية من دخول أسواق سبتة.
المجموعة النيابية ديال "بوكس"، غاتحط نهار الثلاثاء الجاي، المقترح المذكور، اللي فيه أن صفقات مدينة سبتة المحتلة، الخاصة بقطاع الأغذية، غاتعطى غير للمنتجات الإسبانية، أو من الاتحاد الأوروبي.
هاد المقترح كيستهدف بالأساس الخضر والأسماك المغرببة اللي كتتوجه لأسواق سبتة ومليلية.
ولكن اللي خاص حزب "بوكس" يديرو أيضا هو يقتارح بللي ناس سبتة ومليلية يوليو يشربو مياه إسبانية ومايبقاوش ياخذو الما من عند المغرب.