مغربي دار شركات فاسبانيا واحتال على الضمان الاجتماعي بعد ما ديكلارا 188 خدام غير باش يتخلصو فالشوماج

albayancom0@gmail.com
قالت مواقع اخبارية اسبانية، أن مواطن مغربي عندو 50 سنة ومقيم ف اسبانيا بشكل قانوني تحكم عليه مؤخرا باش يدوز 11 شهر ديال الحبس ويدفع تعويضات للضمان الاجتماعي بسبب ارتكاب جرائم التزوير في اوراق رسمية والاحتيال بعد ما دار شركات خاملة ف اسبانيا واحتال على الضمان الاجتماعي بعد ما ديكلارا 188 خدام غير باش يتخلصو ف الشوماج والصولد ديال نهاية الخدمة.
تحكم على المغربي إلى جانب شخصين آخرين بسباب الاشراف ديالهم على هاذ الشركات الخاملة اللي الهدف الاساسي من تأسيسها هو الحصول على امتيازات اجتماعي بحال اعانات البطالة القائمة على الاشتراكات والاقتطاعات ومنح الامومة وغيرها. وبدا النشاط ديالو مع شركة ف تاراگونا شرا الاسهم ديالها ف 23 أغسطس 2006 في تاراگونا، ثم شركة ثانية ف في 11 فبراير 2010 وكان كيدخل على شركات عندهم مشاكل تدبيرية وما كيدفعش حتى رسوم للتأمينات الاجتماعية..
https://www.diaridetarragona.com/reus/Condenado-por-tener-tres-empresas-sin-actividad-y-dar-de-alta-a-188-trabajadores-20211217-0045.html