ولد القذافي طعن فاقصاؤو ورجع لقائمة مرشحي الانتخابات الرئاسية الليبية

سيف الاسلام ولد معمر القذافي رجع لقائمة المرشحين للانتخابات الرئاسية فليبيا اللي غادية تنظم ف24 دجنبر. هاد الشي جا بعد طعنو لقرار اقصائو.
صحف ليبيا قالت باللي تصدر حكم قضائي رجع سيف الإسلام القذافي للسباق على رئاسة ليبيا.
المفوضية الوطنية العليا للانتخابات فليبيا اللي كانت بعداتو وبررات هاد الشي باللي هو ما كتنطبقش عليه شروط الترشح. ماشي بحال 24 مرشح اخر.
المفوضية كانت كتهدر على ان سيف الاسلام صدرات فحقو احكام قضائية نهائية فجناية.
صحابو فرحو ولكن ترشيحو يقدر يزيد ازمة لبلاد كلها ازمات.