عاوتاني شعلات بين إدارة "ميدي 1 تيفي" وصحافييها.. القناة حددات ساعات الخدمة للصحافيين وهوما مابغاوش لهاد السبب

بعد هدوء لأشهر بين إدارة "ميدي1 تيفي" وصحافييها، ناضت شعلات تاني بسباب قيام الإدارة بتحديد ساعات العمل المكتبي للصحافيين، اللي ماعجبهومش الحال معتبرين بللي خدمتهم ماشي بحال المهن الأخرى وإنما هي مهنة إبداعية.
وعلمت "كَود"، بأن إدارة القناة مادارتش تحديد لساعات العمل، ولكنها تعتبر يوم العمل محدد ف8 ديال السوايع، ومن أجل هادشي، وحسب الهضرة اللي كاتدور داخل القناة، أنه جرى استقدام مسؤولة من "راديو ميدي 1" باش تراقب هادشي ديال ساعات العمل و احترامها.
وقالت مصادر "كَود" أن هاد القضية ماشي هي هاداك وفيها مشكل، حقاش المسؤولة الليل جابو خدامة فراديو عمومي، والقناة رجعات فالقطاع الخاص، وكيتساءلو كيفاش دارو ليها؟
ويستند الصحافيون الغاضبون لقانون الصحافيين المهنيين، اللي مافيهش عدد محدد لساعات عمل يومي، كما أن عطلة الصحافي السنوية هي 30 يوما، تصبح 45 يوم بعد أقدمية 5 سنوات، وهادشي اللي ماكديروش معاهم إدارة القناة.
وزادت مصادر "كَود" بأن الإدارة المذكورة توعدت كل مخالف لقرار تحديد ساعات الخدمة بالعقاب، وهادشي غايوصل الصحافيين والإدارة لباب مسدود.