"لاگوارديا سيبيل" شدو فلوكة ديال الصيد خارجة من المغرب عامرة حشيش

albayancom0@gmail.com
قالت وسائل اعلام اسبانية، ان مصالح الحرس المدني ف سبتة شدو البارح مع الصباح بكري فلوكة ديال الصيد خارجة من المياه الاقليمية المغربية فيها كثر من 70 كيلو ديال لحشيش وكلشي لي راكب فيها مغاربة.
تدخل"لاگوارديا سيبيل" جا بعد الاشتباه ف التحركات ديالها عبر ساحل سبتة وبعد مراقبتها من طرف دائرة البحرية التابعة للحرس المدني اتضح كيفاش لفلوكة مشات وسط البحر ولاحت جوج بالات ديال الحشيش وسط البحر ورجعات من جات وهاذ التقنية كيخدمو بها شبكات تهريب المخدرات على المستوى الدولي. كيخليو فلوكات صغار يتكلفو بشحن بالات الحشيش وكيخليوها وسط البحر ف منطقة محددة حتا كيدوز باطو او زودياك كيجمع البالات لتهريبها دوليا.
https://www.ceutaactualidad.com/articulo/sucesos-tribunales/guardia-civil-intercepta-pesquero-marroqui-mas-70-kilos-hachis-bordo/20211102174336132671.amp.html