بلجيكا. دزايري قتل مراتو المغربية حيت بغات تستقل بحياتها بسباب العنف الزوجي

albayancom0@gmail.com
ذكرت جريدة "لاكابيتال" البلجيكية، أن بلدية زيليك ببروكسيل عرفات يوم 15 أكتوبر جريمة عنف زوجي سالا بجريمة قتل وحشية، الضحية ديالها مواطنة من أصل مغربي عمرها 52 عام والمتهم هو جزائري مقيم في بلجيكا عمرو 68 عام وشدوه بموجب مذكرة إحالة وغادي يتحاكم دابا بتهمة القتل العمد.
وعلى حساب الموقع البلجيكي، الضحية المغربية عيات من العنف الزوجي وبغات تستقل بحياتها بعيدا عن هاذ الوحش اللي كان ديما كيهددها بالانتقام منها اذا تخلات عليه. الضحية مشات كرات بوحدها وخدمات على راسها والمجرم نفذ اللي ف راسو وقتلها واللي شافوها ف المشرحة مقدروش يتعرفو عليها بسبب الاصابات الخطيرة اللي تعرضات ليها.
الضحية عاشت تزوجات بالمتهم بعد وفاة راجلها الاول وعاشت معاه 9 سنين ومن بعد العام الاول بدا كيضربها ودخلات للصبيطار عدد من المرات بسباب طبيعة الاصابات اللي كانت كتعرض ليها كل مرة. كانت خدامة عاملة تنظيف وهو عاطل، وحسب مكتب المدعي العام ف هال فيلفورد ، كارول فيركاري، المتهم برر الجريمة ديالو انه كان كيدافع على راسو!
https://lacapitale.sudinfo.be/858532/article/2021-10-26/17e-feminicide-de-lannee-rachida-52-ans-assassinee-par-son-mari-ali-68-ans