فيرديناند فرحان بحكيمي كثر من ميسي

ريو فيرديناند، لعاب مانشستر يونايتد والمنتخب الإنجليزي السابق، فرحان بأشرف حكيمي، الظهير الأيمن ديال باري سان جيرمان، من بعدما ربح الفريق الفرنسي مانشستر سيتي الإنجليزي، ف الماتش اللي تلعب الثلاثاء برسم الجولة الثانية من دور المجموعات لعصبة الأبطال الأوروبية.
وقال فيرديناند، اللي ولى دابا محلل تلفزيوني ف وحدة من القنوات الإنجليزية، ان أفضل لاعب ف الماتش، حسب نظرتو، كان أشرف حكيمي للدور اللي لعبو ف الدفاع والهجوم، وواخا قوة اللعابا ديال السيتي، قدر يراوغهم.
واضاف فيرديناند أنه واخا ليونيل ميسي ماركا بيت الربح، كيعتبر حكيمي نجم باري سان جيرمان ف الماتش ديالو ضد السيتي.