عين اليوم الرئيس التونسي قيس سعيد، المهندسة نجلاء بودن رمضان، رئيسة للوزراء وولات هي اول مرا كتاخد هاد المنصب ف تونس وگاع الدول العربية. رئيس تونس طلب منها تحارب الفساد وتعاود تزرع الامل ف التوانسة، وقالها بلي خاصها تشكل فريق حكومي بالزربة باش يحققوا المطالب ديال الشعب. وهادشي جا من بعد ما الرئيس قيس سعيد كان وقف الخدمة ديال البرلمان هادي شهرين وحيد رئيس الحكومة، وبقى هو لي مكلف بالسلطة التشريعية والتنفيذية، وهادشي سماه البعض بانقلاب. شكون هي نجلاء بودن رمضان؟ هي استاذة ديال التعليم العالي ف مدرسة المهندسين، ومختصة بالضبظ ف علم الجيولوجيا، عندها 65 عام، ومكلفة بتنفيذ برامج البنك الدولي بوزارة التعليم العالي والبحث العلمي، حسب ماقلت رويترز. بودن رمضان معندها حتى انتماء سياسي، وحسب شبكة "قرطاج" التونسية تعينات مديرة عامة مكلفة بالجودة بوزارة التعليم العالي ف 2011، وخدمات كرئيسة وحدة تصرف حسب الاهداف بالوزارة نفسها. وكانت مكلفة ايضا بمهمة بديوان وزير التعليم العالي شهاب بدون ف 2015.
