انتهاك الخصوصية.. ماكرون ومراتو دعاو پاپاراتزي نشر تصاور ديالهم فاش كانو عطلة

حط الرئيس الفرانساوي إيمانويل ماكرون مع مراتو بريجيت نهار الإثنين، شكاية ضد فوطوكَراف پاپاراتزي، سميتو "Thibaut Daliphard"، عرض تصاور خاصة ديالهم في معرض.
التصاور اللي تعرضو، وفيهم أيضا ديال عدد من الشخصيات الفرنسية الأخرى بحال الرئيس السابق ساركوزي و مراتو كارلا بروني، كيبان فيها ماكرون فاش كان لابس شورط ديال العومان وفاش راكب ف الجيت-سكي وغيرها، وهاد التصاور كلهم ديال صيف 2020 ملي كان الكوپل ماكرون فعطلة خاصة.
وقالت إذاعة "أوروبا 1" إن معرض "رؤساء الجمهورية في أماكن عطلاتهم" أقيم في ساحة فنية حدا قصر الإليزي، والشكوى اللي تقدمات ضد المصور فيها تهمة انتهاك الخصوصية. واستامعو البوليس لمنظم المعرض لمدة ساعتين ونص.