القضية فيها الفلوس والانتقام.. براد پيت دعا طليقتو أنجلينا جولي

رفع الممثل العالمي براد پيت دعوى قضائية جديدة ضد طليقتو أنجلينا جولي على حسب ما كشف الجورنال البريطاني "ديلي ميل".
ومن بين الحوايج اللي مضاربين عليها الكوبل الشهير هي "Le château de Miraval"، اللي كاين ف منطقة "كورانس" (Correns)، فالجنوب الشرقي لفرنسا، والضومين اللي فيه هاد الشاطو (شي 600 هكتار) والقيمة المالية ديالو كتفوت 140 مليون يورو.
براد پيت قال أن جولي باغية تنتاقم وتاخذ حصة ديال طليقها في إحدى الشركات اللي فرقوها بيناتهم ملي طلقو.
لكن بعض المتتبعين كيقولو بللي براد باغي من جيهتو يستاغل هاد القضية ويبدل اتجاه الهضرة اللي كاتدور على وجهو الثاني العدواني ويغطي على الاتهامات الخطيرة اللي وجهاتها ليه أنجلينا بخصوص اعتداءاتو عليها و على ولادها.
الجورنال "ديلي ميل" قال أن جولي كتخطط باش تبيع الحصة ديالها من الشركة، وهادشي اللي ماعجبش براد پيت حيت خدمو بجوج واستثمرو فيها الفلوس والوقت، حسب ما كشف عليه الجورنال.