واقيلا كورونا إشاعة. الزحام فمقر حزب الشمعة اليوم لتقديم البرنامج الانتخابي – تصاور

مع اول نهار فالحملة الانتخابية، دار المكتب السياسي للحزب الاشتراكي الموحد، اليوم الخميس فالصباح، ندوة صحافية لتقديم البرنامج ديالو الانتخابي الوطني، فالمقر الرئيسي للحزب فكازا.
وهذ الندوة عرفات الزحام والصداع وماكانش كَاع فيها التنظيم، واخا الداخلية أكدات على الأحزاب باش مايديروش مهرجانات خطابية فيها الاكتظاظ مع الوضعية الوبائية، وحتى فاش جاو ياخدو الصحافيين تصريحات، كانت الفوضى ديال بصح.
وخلال اللقاء قالت الامينة العامة للحزب، نبيلة منيب، أن للحزب رغبة فعلية فبناء الديمقراطية الكاملة عن طريق منتخبين قابلين للمحاسبة، من خلال تفعيل مقتضيات الدستور المغربي اللي كيحث على ربط المسؤولية بالمحاسبة.