التخلف و الإجرام.. شواف طلب من عائلة يعطيوه ولدهم يذبحو باش يجبد ليهم كنز تحت الدار!

شواف هندي بقا شهور وهو كيمص دم عائلة وكيوهم فيهم أن دارهم تحت منها كنز كبير.
المشعوذ خدا من عند الكوبل فلوس صحيحة وكل مرة باش من كذبة وهوغير غادي و كيجرجر فيهم، ووصلات بيه الحقارة من بعد أنه يطلب منهم يعطيوه الولد ديالهم يذبحو باش يجبد الكنز.
العائلة اللي كتسكن في ڤيلاج أسكَيربور (Asgirpur) تصدمات من طلب المشعوذ، وفاش فاقو من الكَلبة، اللي عاشو فيها مدة طويلة وهو كاينصب عليهم، مشاو دارو شكاية عند البوليس باش يشدوه لأنهم ولاو خايفين يدير ليهم شي مصيبة.
المجرم دبا مزال هربان وكايقلبو عليه البوليس.