القضاء الاسباني لوزارة الداخلية : ماغاترحلو حتى قاصر للمغرب

لبارح الثلاثاء قرر القضاء الاسباني فسىتة أنه يمنع اي عملية ترحيل للقاصرين المغاربة التسعة لي كانو رفضوا او ترحيلهم،وزاد على هاد القرار أنه ممنوع ترحيل اي قاصر من ال700 لي فسبتة.
القاضي علل قرارو، بان الاتفاقية لي دارت اسبانيا مع المغرب بشأن تسليم القاصرين، سنة 2007، هي ماشي معاهدة دولية، ومافيهاش حماية للقاصرين، وماشي التزام دولي، ومناقضة لالتزامات الدولة الاسبانية، وخصوصا حقوق الاطفال.
ولكن القاضي ماسدش الباب نهائيا،وقال للمدعي العام ان الدولة من حقها دير اعادة الاطفال، ولكن بشرط احترام القانون الاسباني بحذافيره فهاد الصدد.
هاد الاجراءات لي قصدها القضاء كتتمثل فإنشاء سجل للمرحلين فيه الاسباب القانونية لهاد الترحيل، مع اخطار هاد القاصرين بترحيلهم، واعلام حكومة المدينة، والمدعي العام.
La justicia mantiene suspendidas las repatriaciones de los menores