"ال باييس" نشرات ليستة القاصرين المغاربة لي رجعوهم للمغرب.. وقالت: ماكانوش عارفين فين دايهوم البوليس

نشرت صحيفة "ال باييس" الاسبانية، لائحة بأسماء آخر القاصرين اللي تم طردهم من سبتة قبل ايام، وذلك قبل ان تقرر المحكمة تجميد الترحيل لثلاثة ايام.
القائمة فيها سبع خانات تتضمن، ترقيم القاصر وجنسيته، واسمه الكامل، وتاريخ ميلاده وعمره..
وقالت الصحيفة ان هاد القاصرين لي كانو فمركز "سانتا اميليا"، جاو البوليس هزوهم وداروهوم فالسيارات، وماكانوش عارفين فين ماشيين، كما ان السلطات الامنية ماخذات موافقة حتى جهة فهاد الترحيل، وماسولاتش حتى هاد الاطفال.
هاد اتفاقية تسليم القاصرين كان دارها المغرب واسبانيا، سنة 2007، وتنص على تسليم القاصرين لأولياءهم، وهي تعاكس الاتفاقية الدولية لحماية الاطفال لي كاتمنع ارجاع القاصر غير المرافق لبلده، في حال هاجر لبلد اخر، ومن هاد المنطلق ناضت الجمعيات الحقوقية كتحيح على السلطات الاسبانية.
https://elpais.com/espana/2021-08-19/las-listas-de-las-ultimas-devoluciones-de-menores-a-marruecos.html