الجهل والتسطية ما عندهمش جنسية. صبليونيين حجزو بنتهم وربطوها ب سلسلة باش تقطع علاقتها ب صاحبها المغربي

albayancom0@gmail.com
شهدت مدينة سرقسطة الاسبانية، الثلاثاء الفايت، جريمة من نوع خاص، بعد تورط أفراد عائلة صبليونية في حجز ابنتهم داخل المنزل وتقييدها بالحبال لمنعها من مواعدة حبيبها المغربي. هاذ العائلة كتشمل والدة الضحية وأعمامها وزوجاتهم كاملين والقضية سالات بمتابعتهم أمام العدالة من أجل الاحتجاز غير القانوني والتهديد.
الواقعة بدات بعد تفاجأ الاب من جلوس ابنته مع شاب مغربي داخل بار. من بعدها عيط لخوتو (أعمام الضحية) لي جاو وقربلو البار وهددو المغربي بالقتل في حالة ما قطعش علاقتو بيها. الضحية هزوها صحة للدار. المضاربة خلات البعض يتصل بالشرطة الوطنية ويشرح ليهم اش واقع، مشاو خذاو مذكرة تفتيش وقصدو منزل الضحية ف شارع أوفييدو في حي توريرو وفرعو الباب ولقاوها محتجزة ومقيدة بسلسلة مع شرجم الغرفة ديالها واحتاجو قاطع أسلاك باش يقطعو السلسلة.
https://www.heraldo.es/noticias/aragon/zaragoza/2021/08/20/detenida-una-familia-zaragoza-por-encadenar-a-una-joven-para-que-no-viera-a-su-novio-marroqui-1513953.html