واخا عامل بنسليمان منعها.. مازال صحاب "الجيت-سكي" مرونين بحر بوزنيقة وكيعرضو حياة الناس للخطر

واخا كاين قرار عاملي كيمنع استعمال "الجيتسكي" فبحر بوزنيقة، وهو القرار اللي مكتوب فبلاكة كبيرة فشواطئها، شي وحدين استغلو لامبالاة المسؤولين المحليين باش يمارسو هوايتهم فأماكن السياحة.
هذ الناس ماشي غير تجاهلو قرار عامل إقليم بنسليمان، لكن ماتسوقوش للمخاطر اللي ممكن تنجم عن هذ النشاط المائي، بحيث كيشكل تهديد لحياة وسلامة المصطافين، كيف ممكن للجيت سكي يتسبب فأضرار بيئية بحرية فالأماكن المخصصة للعومان.
وتشكاو رواد شاطئ بوزنيقة من الصداع ديال محركات هذ الجيتسكيات، وعاد المخاطر اللي ممكن تشكلها عند الاصطدام مع المصطافين اللي كيعومو، خصوصا منهم الأطفال اللي مواعيينش بهذ الخطورة، كيف تشكاو بسباب تلويث هذ المحركات للمياه، والمازوط اللي كتلوح فيها، وعلى هذشي وطالبو المصطافاين المسؤولين بالتدخل.
وكان عرف شاطئ بوزنيقة حوادث مميتة بسباب الدراجات المائية، الشي اللي دفع بعامل بنسليمان لإصدار قرار بمنع استعمال هذ الجيتسكيات.
وكان عرف شاطئ السعيدية قبل أيام حادث تصادم بين بين جوج جيتسكيات، مات بسبابها شاب فعمرو 35 عام.