الحياة كترجع شوية بشوية.. قريب تبدا النسخة الساتة من رالي طوموبيلات الطاقة الشمسية ف أگادير

مابقاش بزاف على تنظيم المغرب للنسخة السادسة لسباق طوموبيلات الطاقة الشمسية، اللي غيدار بين 25 حتى ل29 أكتوبر الجاي، وغادي تحتضنو مدينة أكَادير، ضمن تظاهرة "موروكان رايس تشالنج".
،
وكيتميز هذ السباق، المنظم من طرف معهد البحث في الطاقة الشمسية والطاقات المتجددة، بتكوينو مع 5 مراحل، وكيقطع المشاركين طريق كتربط بين جبال الأطلس وجزء من الصحرا، فمسافة ديال 2500 كيلومتر، قبل ما يرجعو لأكَادير فالنهار اللخر من الرالي.
وغايشاركو فهذ السباق شباب من مختلف دول العالم، الطوموبيلات المشاركة فالسباق هي من صنع طلبة من مختلف التخصصات الهندسية، كتستمد الطاقة ديالها من الشمش، بلا يسونس.
وفريق المتسابقين متكون من 16 طالب هندسة فتخصصات كثيرة (الهندسة الصناعية والميكانيك الكهربائية، والطاقة...).
وهذ السباق هو عبارة عن بادرة كتشجع على اعتماد الطاقة البديلة والنظم الإيكولوجية.