تقرير دولي: المغرب هو أكثر بلد إفريقي غادي يحقق نمو اقتصادي سريع هاد العام

كشف تقرير صادر عن شركة الاستشارات وتحليل البيانات الدولية Global Data أن المغرب هو البلد الإفريقي اللي غيحقق أسرع نمو اقتصادي هذ العام.
وقالت الشركة أن المغرب غيجي فالمرتبة اللولة بين الاقتصادات الخمس اللي غتعرف أسرع معدل نمو فإفريقيا عام 2021، واللي كتتوقع نمو بنسبة 5,19 فالمية للمملكة، وهو أعلى معدل فالعالم على النطاق القاري عام 2021.
وقال كَاركَي راو، وهو محلل اقتصادي، فالتقرير، ان المغرب نما بسرعة كبيرة فالسنين اللخرى، خصوصا على مستوى الأداء الزراعي.
وزاد أن المغرب عرف نمو كذلك بفضل حملة التلقيح الفعالة، وريادة السياسات المالية والحوافز الضريبية.
وشاف التقرير أن الاقتصاد الإفريقي ممكن يرجع يتنمى هذ العام بزيادة 3,8 فالمية، بعدما عرف أسوء ركود ليه هذي نص قرن تقريبا.
https://www.leconomiste.com/flash-infos/maroc-la-croissance-de-l-economie-sera-la-plus-rapide-en-afrique-en-2021-rapport