حضيو راسكم. نشرة جوية إنذارية من المستوى الحمر: الشتا غتوصل حتى ل130 ميليمتر فهاد المناطق

صدرات مديرية الأرصاد الجوية، نشرة جوية خاصة إنذارية من المستوى الأحمر، بشأن سقوط أمطار قوية وأحيانا رعدية فمجموعة من المناطق فالمغرب، واللي كتقدر ب110 حتى ل130 ميليمتر ف24 ساعة.
هذ التساقطات غتعرفها مجموعة من المناطق فالسواحل الشمالية وفأقاليم الحوز وآسفي، وغتبدا من اليوم الاربعاء 6 يناير على الساعة 6 دالعشية حتى للجمعة 8 يناير 2021 مع 6 دالعشية.
وهذ المناطق تحديدا هي: طنجة، أصيلة، فحص أنجرة، المضيق، الفنيدق، شفشاون، تطوان، العرايش، آسفي، وبالمرتفعات التابعة للحسيمة، وتارودانت والحوز.
وهذشي وقالت المديرية أن هذ التساقطات تقدر تتجاوز 130 ميليمتر فالمرتفعات ديال هذ المناطق.
كذلك غتعرف مجموعة من المناطق رياح قوية من المستوى الأحمر، كتحدد من 100 حتى ل120 كيلومتر فالساعة، واللي غتعرفها مناكق الصويرة وشيشاوة والحوز وأزيلال وورزازات وتنغير وميدلا والرشيدية وفيكَيكَ.