صبليونية نوضات نقاش فبلادها حقاش نزلوها من الطوبيس بسباب هاد اللبسة. الشركة اعتذرات والحركة النسائية هجمات – تصويرة

نايضة نقاش فاسبانيا على شابة بغات تطلع للطوبيس فمدينة ڤاليسنيا ولكن منعها الشيفور حقاش بانت ليه لابسة ملابس داخلية من الفوق. النقاش دارتو هاد الصباح قناة "الثالثة" عندهم هاجمو هاد الشيفور.
متدخلين ومتدخلات هدرو على تدخل الشيفور فلباس المواطنين وباللي كاين القوانين فهاد البلاد اللي ما كدخلش فكيفاش يلبس المواطن.
شركة النقل اللي تابعة لجماعة ڤالينسيا خرجات تويت كتعتادر وكتطلب من الشابة تزودها بمعطيات علي اش وقع ووعداتها باش تفتح تحقيق فهاد القضية.
القضية ولات قضية حرية الجسد٬ خاصة جسد المرأة فهاد الدولة.