مأساة.. بنت هندية انتاحرات بعدما خدات آخر سيلفي ليها مع المكحلة – تصويرة

تيرات هندية ف راسها بالقرطاس، من بعد ما خدات سيلفي مع المكحلة باش انتاحرات. هادشي وقع مؤخرا، ف فولاية "أوتار براديش" (Uttar Pradesh) الهندية في شمال البلاد.
وانتحرات "راديكا كَوبتا" (Radhika Gupta)، اللي عندها 26 عام، فدار راجلها، اللي كانت عاد تزوجات بيه فشهر ماي اللي فات.
ومنين سمعو عائلة راديكا صوت القرطاس، طلعو كايجريو عندها للفوقي، ولقاوها طايحة فالأرض وسط دماياتها، والمكحلة مليوحة حداها، والتيليفون باقي خدامة فيه الكاميرا، ولقاو فيه صورة السيلفي ديالها الأخير.
وهزو راديكا نيشان للصبيطار، ولكن الأطباء ماقدروش يعتقوها.
والبوليس المحلي بداو لونكيط ديالهم باش يعرفو أسباب و ظروف هاد الحادث المأساوي.