باغي يولي عمدة. باش سياسيين وملايرية قاطعو العطلة فالصبيلون: برلماني طنجة الزموري كيحوص فكوسطا ديل سول

عاينت "كود" هادي يومين محمد الزموري برلماني ممثل مدينة طنجة عن حزب الاتحاد الدستوري كيحوص فكوسطا ديل صول باسبانيا. البرلماني كيدور فالجارة الجنوبية وجايب عائلتو وما على بالوش كاينة شي ازمة مغربية اسبانية.
الزموري تلاقى مع صحابو الصبليون وغير الصبليون وكديرو فالشرينيگيطو والريسطورات تماك. هدا اول سياسي مغربي كتشوفو كود" فهاد المنطقة السياسية من نهار بدات الازمة مع مدريد.
دابا واش الامين العام لحزبو الاتحاد الدستوري غادي يفضل الوطن ومصالحو على مصالح هاد البرلماني؟ كيفاش لخراين تجنبو يمشيو لاسبانيا وهو مشى ليها واكثر من ذلك عندو الباسبور ديالها. علاش ما يمنعوش اللي عندهم باسبور اجنبي يترشحو للانتخابات. حقاش السي الزموري راه باش خدا الجنسية سينا باش يدافع على ملك اسبانيا ووحدتها.
الخطير ان هاد الزموري بدا يوجد ومن كوسطا ديل صول باش يولي عمدة طنجة. اييه ما كيحشمش لا هو لا ساجيد