مؤسس ومدير شركة "NSO" الإسرائيلية اتاهم قطر وحركة مقاطعة الاحتلال الإسرائيلي "بي دي أس" بالوقوف ورا هاد حملة "بيگاسوس" والتجسس باش تخرج على الشركة وقطاع السايبر الإسرائيلي

اتهم شاليف حوليو، مؤسس ومدير شركة "NSO" الإسرائيلية، قطر، وحركة مقاطعة الاحتلال الإسرائيلي "بي دي أس"، بالوقوف خلف "حملة للنيل من الشركة وقطاع السايبر الإسرائيلي".
وقال مدير شركة NSO الإسرائيلية، اللي طورت برنامج "بيگاسوس" للتجسس، فحوار مع صحيفة "اسرائيل هيوم"، ان "هاد الحملة تقف خلفها قطر ولا حركة BDS، ولا بجوج".
ونفى حوليو علاقة شركتو بأي روابط اللي فاللائحة اللي تم نشرها، وزاد: "الى اتضح انه كاين بعض العملاء اللي استغلوا نظامنا لتعقب الصحفيين أو العاملين فمجال حقوق الإنسان، فغادي يتم قطع العلاقة معهم بيه فيه".
واكد حوليو، انهساق الخبار لأول مرة عن التحقيق الصحفي المنشور قبل شهر، وقال: "تواصل معاي طرف ثالث ، شخص كنخدمو معاه غير متورط في القضية".
وأضاف، أن الطرف الثالث علمو باختراق خوادم الشركة ف قبرص، وكل قائمة أهداف NSO سربت".
وقال حوليو: "درنا فحص خوادمنا، وراجعنا العملاء، ومالقينا حتى اختراق. وقلبنا القائمة المسربة، وبدينا في التحقق منها مع عملائنا. وماكان حتى واخد منهم هدف لشركة بيگاسوس".
وعلى قطر وحركة مقاطعة الاحتلال، قال حوليو: ""كاين اللي ماباغيش إسرائيل تستارد حتى لاگلاص، ولا تصدر التكنولوجيا".
وتابع: "كيتعرض قطاع الإنترنت الإسرائيلي للهجوم بشكل عام، كاينين بزاف ديال شركات الاستخبارات الإلكترونية ف العالم ، ولكن كولشي كيركز غير على الشركات الإسرائيلية، وتشكيل اتحاد بحال هذا من الصحفيين من العالم وإدخال منظمة العفو الدولية فيه – كيبان أنه كاين يد ورا هادشي.
وعلى هاد الجهات اللي كيتهمها، قال حوليو: "كنظن أنه ف النهاية غادي يتحول الأمر إلى قطر ولا حركة المقاطعة، ولا بجوج".
ورفض حوليو يذكر أسماء الدول اللي باعلها برنماج التجسس و التعليق على الأسماء اللي جات ف وسائل الإعلام.
https://www.israelhayom.com/2021/07/23/israeli-cyber-sector-is-under-attack-says-nso-group-chief/