عاجل. حكم قاصح بزاف على الصحافي عمر الراضي: 6 ستين دالحبس واستيتو تحكم بعام نافذ منو 6 شهور موقوفة التنفيذ

حكمات غرفة الجنايات الابتدائية بمحكمة الاستئناف بكازا، اليوم الاثنين، على الصحافي المعتقل عمر الراضي ب6 سنين ديال الحبس النافذ
كيف حكمات المحكمة على الراضي بتعويض المطالبة بالحقم المدني،حفصة بوطاهر، ب200 ألف درهم.
وتدان الراضي بجنحتي تلقي أموال من جهات أجنبية بغاية المس بسلامة الدولة الداخلية، ومباشرة اتصالات مع عملاء دولة أجنبية بغاية الإضرار بالوضع الدبلوماسي للمغرب، بالإضافة لجنايتي هتك عرض بالعنف والاغتصاب.
وحكمات المحكمة على الصحافي عماد ستيتو بعام ديال الحبس النافذ، و6 شهور موقوف التنفيذ، بتهم عدم الاشعار بارتكاب جناية وعدم مساعدة شخص فخطر.
وبمجرد النطق بالحكم، تهزات القاعة 8 باحتجاجات صاخبة لأنصار الراضي واستيتو، عبرو من خلالها على رفضهم للحكم، اللي اعتبروه "جائر وغير عادل"، وقالو "هذا قضاء التعليمات وماشي قضاء الحريات"..
تفاصيل أخرى عن جلسة اليوم وأجواءها غنرجعو ليها بعد قليل.