بعد نشر "كود " مقال تحت عنوان "شكون هاد سمينة اللي كيحمي هاد عسيلة دسطات. خدا رخصة محلبة ف2019 وقلبها شيشة و"المخذرات" وجاه قرار يسد وكلشي خايف منو" علمت"كود "ان مصالح الامن الوطني بمدينة سطات وبتعليمات من والي الأمن داهمت المقهى،و تم حجز مجموعة من قنينات النرجيلة،بعدما قامت بحملة مفاجئة للمقهى التي تقدم لزبنائها خدمة تدخين الشيشة بنكهات مختلفة خلال الجائحة. واضافت المصادر نفسها ل"كود" ،ان هذا التحرك الأمني قوبل بارتياح من طرف السكان اللي عجبهم تطبيق القانون. اللي محلبة محلبة واللي قهوة قهوة والشيشا ما عندها بلاصة فزمن كورونا. هاد الارتياح غادي يولي صدمة كبيرة باش ساعات من توقيفو٬ تطلق. ماشي غير طلقوه واللا. رجع فتح المحلبة اللي رجعها قهوة شيشا وبدا خدام. دابا هادا كيقول للدولة واجهزتها كلها. طز فيكم. انتوما خدامين عندي. كيفاش هاد الشي. كاين قرار باغلاقها هادي تقريبا عام وكلشي فراسو وما دارو معاه والو. اليوم ترسل البوليس وحصلوه وتحدى كلشي ورجع يخدم.
