دراسة: الدراري الصغار معرضين للسمنة إيلا كايدوزو وقت كثير ف التلفون والتلفزة

كشفات دراسة جديدة دارتها جامعة تورنتو الكندية أن الدراري الصغار اللي كايدوزو وقت طويل شادين تلفون ولا كايتفرجو ف التلفزة يقدرو يوليو غلاض ويعانيو من مشاكل السمنة.
ووضح المصدر أن كل ساعة إضافية كايدوزوها الدراري كايلعبو ف التلفون و لاصقين فيه كاتزيد من الخطر وهادشي خاص الآباء يردو ليه البال ويلقاو ليه حل.
وزادو هاد الباحثين نبهو أن المشكلة هي فاش كايطلعو إشهارات كثيرة ديال الماكلة للدراري وكايبقاو عاطينها للسريط والفاست-فود بلا حركة وهادشي كايضر صحتهم.