بعد نفق الموحدين.. تلونصا مشروع تركيب قنطرة "باو سترينكَ" فكازا

لونصا والي جهة كازا سطات عملية تركيب أجزاء قنطرة حديدية خاصة بالخط T4 للطرامواي فكازا، على طول 50 متر وعرض 11.
هذ العملية جات بعد مدة من الاشتغال عليها فإطار مشروع مد السكة الحديدية وتثبيت أنظمة الطرامواي ضمن الشطرين الثالث والرابع من مشروع طراموي خطوط T3 و T4، اللي من المنتظر يكمل ف2023.
والقنطرة جات قاطعة الطريق الحضري، الرابط بين كازا والرباط فمنطقة ولاد زيان، وكتتوفر على جميع أنظمة الطرامواي اللي تخصصات ليه.
وهذ القنطرة وصايبة على طراز قناطر Bow-String الأمريكية، اللي كتتميز بشكلها المقوص.