عطاتهم القاصح.. السعودية أمل الشهراني: من حقي نسكن مع راجل بلا زواج وملي نكون ف داري ماسوق حد فيا – فيديو

ملي كايكون الواحد شوية مشهور في الأنترنت المتابعين كايدخلو ف صحتو بزاف وماكيكرهوش يردوه نسخة منهم.
شي وحدات صيفطو ميساج للسعودية "أمل الشهراني" وقالو ليها علاش ساكنة مع راجل ونتي مامزوجاش بيه وهي تعطيهم علاش كايقلبو.
أمل الشهراني، وهي من مشاهير مواقع التواصل عند العرب، قالت في فيديو: "واش سوقك، فاش ضريتك، واش دقيت بابك، نسكن مع راجل بزواج أو بلا زواج ماسوقكش.. ملي نكون في داري أنا حرة ندير اللي بغيت، ونتوما اللي داخلين عندي للصفحات ديالي، اللي ماعجبتوش يخرج عليا".
هاد السعودية اللي عندها متابعين كثار دافعات على أفكارها ودوات بهدوء اللي غادي يزيد يفقص المتخلفين اللي هاجموها.
https://www.instagram.com/p/CP3HIbnBbLW/?utm_source=ig_web_copy_link