باينة ماشي عندنا!.. 6 سنين ديال الحبس لمرا خدمات بنسخة مبيراطيا ديال "وينداوز" وال"أوفيس"

مرا صبنيولية غادي تدوز 6 سنين ديال الحبس وتخلص خطية كبيرة حيت كانت خدامة بنسخ مبيراطيا ديال "وينداوز" وبرامج ال"أوفيس".
شركة "ميكروسوفت" ولات دايرة حملة على أي واحد خدام بالبرامج ديالها اللي ماشي أوريجينال، وفي 2017 رفعات دعوى على المرا، وبقا الضوصي في الإستئناف قبل ما صدر الحكم النهائي هاد الشهر.
ولحد الساعة ماتذكراتش تفاصيل على كيفاش السلطات اكتاشفو هاد الممارسة غير القانونية، وكاتبقى هادي أول مرة يصدر فيها حكم من هاد النوع في إسبانيا.