بلقاسم نزل من هسبريس وباغي يطلق مشروعو: ها شكون فيه

جريدة الكترونية جديدة كيطلقها بداية يوليوز الجاي محمد بلقاسم الصحافي المتخصص فالسياسة اللي خدم سنوات فهسبريس قبل ما يستاقل.
معلومات "كود" تفيد بلي المشروع فيه طاقات شابة، صحفيين من أخبار اليوم وخريجي المعهد العالي للاعلام بالرباط، إضافة إلى طاقم تقنين واعد.
هاد الموقع الاخباري وفق ماليه ل"كود"٬ ماشي بديل على عدد الصحف الالكترونية الناجحة فبلادنا، واعتبر بلي الموقع لبنة جديدة فهاد التنوع الاعلامي للي فبلادنا.
وجوابا على سؤال "كود" واش المشروع تزامن مع الانتخابات، اوضحت المصادر باللي "هاد السيت غاتكون عندو لمسة خاصة فالانتخابات، وغادي يستمر وكنعتبروه مشروع متكامل وغادي يتقوا بطاقاتو".
عدد من الزملاء اللي غادي يشتغل مع هاد المنبر كتعرفهم "كود"، منهم واحد من متخصص فالرياضة وصحافية خريجة المعهد العالي للصحافة واخرى كانت خدامة مع اخبار اليوم