قيادي تجمعي ل”كود”: ما فراس لا اخنوش لا حنا باللي الرئيس غادي يقدم استقالتو وهاد الاهتمام واخا بالإشاعات كيبين باللي ولينا كنزعجو وغاديين نجيو اللولين فانتخابات 2021

علمت “كود” ان گاع قيادة التجمع الوطني للاحرار ما فراسهاش ديك الإشاعة ديال ان الرئيس ديال الحزب عزيز اخنوش غادي يقدم استقالتو.
مصدر “كود” قال متهكما ل”كود” “حتى الرئيس ما فراسوش باللي غاذي يستاقل”.
المصدر شدد في تصريحه ل”كود” ان مثل هذه الإشاعات كتبين باللي الحزب كيزعج الخصوم اللي كيخرجو هاد الإشاعات.
وكانت هاد الإشاعة قالت باللي اخنوش غادي يستاقل من الحزب وحددو حتى النهار وگالو الاثنين.
مصدر “كود” شدد علو ان الحزب ورا زعيمو وغادي يجي اللول فالانتخابات المقبلة.