اش كيقصد الياس العماري ب48 ساعة اللي غادية تكون فيها تحولات فاختصاصات الجهة واش عينو فالنشاط الملكي ديال غدا مع رؤسات الجهات وسبق كلشي وعلنو

الياس العماري الامين العام لحزب الاصالة والمعاصرة قال البارح فالمجلس الوطني الاستثنائي لحزبه بسلا “أتمنى خلال 48 ساعة المقبلة أن تحدث تحولات جديدة بخصوص الاختصاصات الجديدة للجهات”، كلشي بقى كيسول اش كيقصد واش غادي يستاقل واش قربات نوبتو وواش ووواش.
لكن هاد الشي كيقصد بيه اختصاصات الجهة. هو قبل فنفس السياق بللي “الحزب كبير لكن يتواجد مؤسسات فارغة” في إشارة إلى رئاسته لخمس جهات بالمملكة” واضاف “ماذا سنفعل إزاء هذا الواقع؟ ومع من سنمارس الحرب وهل سنسحب من المؤسسات”، مشيرا إلى أن هذا هو القرار الوحيد والممكن أن يتخذه برلمان حزبه في حالة لم تتوفر إمكانيات للعمل في الجهات”
دابا هو قال هاد لكلام السبت وجبد 48 ساعة. باش قلبات “كود” اش غادي يكون غدا الاثنين اي نتبعو كلام الياس٬ عرفات باللي الملك محمد السادس عندو استقبال او لقاء مع رؤسات الجهات 12 مع ولاة الجهات. اي كاين اجتماع رسمي.
هو غادي يكون عندو الدعوة وعارف وصحابو عتاقدو باللي غادي يستاقل ولكن هو غادي يلقى الملك مع رؤساء باقي الجهات يعني غادي يزيد يتشبث بالحزب كيف النهار اللي ستاقل وغير جا فؤاد الهمة مستشار الملك وصاحبو لعرس ولدو وهو يتراجع على كلشي.