الأمير مولاي الحسن تسارا بطوموبيلتو ف شوارع فاس

علمت "كَود" أن ولي العهد الأمير مولاي الحسن دار جولات خاصة بعدد من الشوارع الرئيسية بمدينة فاس. هادشي كان مساء البارح الأربعاء كيف أكدوا عدد من المواطنين اللي شافوه.
وقالت مصادر ل"كَود" أن ولي العهد كان على متن سيارة "بنتلي" وسط حراسة أمنية. الأمير مولاي الحسن بان داير الكمامة الواقية واختار يدوز من عدد من الشوارع الرئيسية بحال شارع الحسن الثاني وطريق موزار.
زيارة ولي العهد ماخداتش بزاف ديال الوقت.. وحركة السير والجولات كانت مخففة باش ماتوقعش شي عرقلة أو شي حاجة.
الزيارة الخاصة لولي العهد دازت مزيان ورجع بعدها للإقامة الملكية ف الضويات بإقليم مولاي يعقوب.