بعد إطلاق سراحها من طرف سلطات سبتة.. صحافية "شوف تيفي" كشفات تفاصيل توقيفها: ماتسرطاتش ليهم كلمة سبتة المحتلة.. والاعتقال كان تعسفي ومهين – تدوينة

بعد إطلاق سراحها من طرف سلطات الاحتلال فسبتة، خرجات فاطمة الزهراء رجمي تتكلم على تفاصيل اعتقالها، وقالت أن كلمة "سبتة المحتلة" ماتسرطاتش ليهم.
وزادت رجمي، فتدوينة ليها على "فيسبوك": "الاعتقال كان تعسفي ومهين جدا جدا، ماباغاش نتفكر منو والو".
وعلى الناس اللي قالو انها كانت روشيرشي فقضية خرى، ردات رجمي: "راه واقيلا دخلت عالحدود الاولى وتبوانتيت والثانية وتبوانتيت ونعست فلوطيل لي بدورهم كيصيفطو البوليس جميع المعلومات، علاش هاد الروشيرش عاد طلع؟".
وشكرات رجمي كَاع اللي تضامنو معاها، واعتذرات لأنها ماتقدرش تجاوب، حيت "مهلوكة بزاف".
https://m.facebook.com/story.php?story_fbid=3015309612089189&id=100008305383053