سانشيز هدد المغرب: خاص كلشي اللي دخلو يرجعو وبسرعة والاحترام والصداقة =مع الرباط= كتمر باحترام الحدود وغاديين نوظفو كل امكانياتنا للدفاع على بلادنا

قال رئيس الحكومة الاسباني بيدرو سانشيز فتصريح رسمي قبل قليل باللي خاص كاع اللي دخل لسبتة يرجع وبشلك عاجل.
سانشيز قال باللي اولوية حكومتو هي الصرامة للتصدي لاي تحدي كيهدد امن وحدود اسبانيا. وشدد على ان الاتحاد الاوربي كيدعم بلادو.
كما اكد ان حكومتو غادية توظف كاع الامكانيات باش دافع على امن وحدود سكان سبتة ومليلية.
واكد ان المغرب بلد شريك وصديق وباللي امنيتو ان البلاد تحافظ على هاد الاحترام وهاد الشي كيكون باحترام بالحدود.
رئيس الحكومة دار اتصال بالملك وبزعيم المعارضة وبالاتحاد الاوربي وقال باللي غادي يزور مليلية وسبتة اليوم باش يقول ليهم راه غاديين نحميكم.