حرب الكيف والانتخابات..لفتيت كلاشا البي جي دي والبرلماني الإسلامي أبوزيد: باش تقول الدولة المغربية عاجزة ميمكنش نسمحو بها وميمكنش نجاوبك ونتا غايب

وزير الداخلية عبد الوافي لفتيت، كعا على القيادي الاسلامي والبرلماني عن البي جي دي ابوزيد الادريسي، اللي اتهم الدولة بعجزها في حل عدد من الملفات.
وقال لفتيت ردا على ابوزيد، خلال لقاء لجنة الداخلية قبل قليل، :"،الطريقة باش كيهضر ماشي مقبولة.. الدولة المغربية ماشي عاجزة، باش تقال الدولة عاجزة ميمكنش نسمحو بها".
وأوضح لفتيت :"ميمكنش نجاوب واحد غايب"، في اشارة إلى البرلماني الاسلامي الذي انسحب من اللجنة قبل سماع رد الوزير.
اللي زاد كعا لفتيت، هو قول ابوزيد بلي الدراسة سرية وشكك فوجودها، وجاوبو وزير الداخلية بالقول "الدراسة كاينا والاستشارات درناها والى بغيتو نديرو من هاد العشية او غدا يوم دراسي وتشوف الدراسة". مؤكدا أن الدراسة كاين عند الاحزاب.
لفتيت كعا وكلاشا البي جي دي، وتحداهم يديرو يوم دراسي ويجب ليهم الدراسة.