ها علاش قاد هاداك بوريطة. تكلف بالڤاكسان ويالله جاب من الصين نص مليون من "سينوفارم"

جات شي بركة من ڤاكسان "سينوفارم" الصين للمغرب. هادشي كشفت عليه صفحة محبي ومتابعي شركة الخطوط الملكية الجوية على "فايسبوك".
هاد الشحنة الجديدة التي وصلت إلى مطار محمد الخامس البارح لاحد يالله فيها 500 الف ڤاكسان. الطيارة وصلات من مطار بيكين فهاد الرحلة: (B789 CB-RGZ)
هاد الصين كتضحك علينا. مسؤول فيها قال لرئيس مجلس النواب هادي ايام باللي المغرب غادي يتوصل ب10 مليون ڤاكسان فشهري ابريل وماي. الشهر الاول قريب يمشي ويالله غادية توصل نص مليون. بهاد الوثيرة صعيب بزاف بزاف بل مستحيل يرسلو لينا حتى نص هاداك الرقم.
دابا بوريطة وزير الخارجية هو اللي تكلف بهاد العملية ديال شراء اللقاح. فاول مهمة طلع فاشل. هو كيف ديما كيضرب على الشعا. علاش كيكلفوه ايلى هو بهاد المستوى. صاحبو هو اللي مكلفو بهاد الملف. واش حنا حتى سفير فالصين ما عندناش بعد ما مرض سفيرنا مكوار. كون كلفو اللي مصاحب مع الشينوا بعد عثمان بنجلون مول البنكة كون طفرناه وجبنا اكثر من اللي غادي يجيب بوريطة