زينب حفيدة الممثلة مليكة العماري: المغرب زوين للناس اللي مزوجين أما أنا باغة الحرية من الأحسن نبقا ف الخارج! – تصويرة

الفاشيونيستا زينب، حفيدة الممثلة مليكة العماري والمشهورة في انستكَرام باسم Lady zee دارت حصة أسئلة وأجوبة مع المتتبعين ديالها.
من بين الأسئلة كان "واش تقدر تعيش في المغرب مستقبلا؟"، و جوابها كان صريح و واضح أن المغرب زوين بزاف للناس اللي مزوجين وعندهم دراري، ولكن بصفتها مرا عازبة كتفضل تبقى حرة.
و وضحات زينب أنها توحشات دارهم وعائلتها لكن مكتشوفش راسها أنها تقدر تعيش في المغرب حاليا.
زينب استقرت سنوات في باريس ودابا كاينة في برشلونة وكتجي المغرب ملي كيكون عندها شي إشهار أو خدمة اللي دخل منها الفلوس.