برشلونة : بسباب ماتش ديال الكورة.. 100 مغربي وإفريقي ضاربو بالجناوا وجوج تصابو بجروح خطيرة – فيديوهات

albayancom0@gmail.com
ذكرت تقارير إخبارية، أن بلدية فاليس التابعة لمقاطعة برشلونة عرفات الاحد الفايت مضاربة كبيرة بالجناوا شارك فيها تقريبا 100 شخص ينتمون للمغرب ودول إفريقيا جنوب الصحراء. المضاربة اللي جرات بالليل سالات بإصابة شخصين بجروح خطيرة.
فيديو
وأضافت التقارير ذاتها، أن هاذ المطايفة جات بسبب ماتش ديال الكورة بين الطرفين اللي جاو من مونتورنس وكانوفيل باش يلعبو الصباح. سالا الماتش ومشاو ومع الزوال قبلوها سبان ف الفايس وفي الليل تلاقاو باش يصيفيو حساباتهم.

فيديو
واستدعى فض الاشتباكات بين الطرفين، تعبئة العديد من الدوريات الأمنية التابعة للشرطة المحلية ولقوات الشرطة الإقليمية الكتالونية "موسوس دي إسكوادرا". التحقيق في هاذ الواقعة باقي خدام ولم يتم تسجيل اعتقالات في صفوف الطرفين.