البطل محمد ربيعي ربح عاشر كومبا ف مسيرتو الاحترافية

البوكسور المغربي محمد ربيعي أضاف، ليلة البارح السبت، المكسيكي خيسوس گيرولا إلى قائمة ضحاياه بعدما ربحو بالنقط ف الماتش اللي تلعب فقاعة ميس ىرينا بمدينة هال الألمانية.
المكسيكي اللي كان عندو 28 فوز قبل ما يتلاقى بربيعي خسر الكومبا بالنقط لفائدة البطل المغربي اللي عرف يسير الكومبا بطريقة خرجاتو بطلا خصوصا ف الجولة الثالثة من اللي تدخل الحكم باش الملاكمين بجوج يبداو يبوكسيو بعدما لاحظ لاربيط انهم بالغوا في الحذر و ان كل واحد فيهم كايدافع اكثر مما كايلعب.
تقريبا هاذ اللحظة هي اللي شكلت نقط التحول ف الكومبا حيث ربيعي من بعدها دخل ف اجواء المنافسة و بدا كايقلب على النقط ف الوقت اللي الخصم ديالو المكسيكي استمر في الهرب من المواجهة فكانت النتيجة ان الحكام عطاو نقط الربح لربيعي اللي ربح بذلك عاشر كومبا فمسارو الاحترافي اللي بداه ف 2017 .