الحب على الكاياك. عرسان مشاو حاركين فكاياك من الفنيدق لاسبانيا

قالت صحيفة ال فارو دي سيوتا، ان زوج شاب ومراتو تزوجو هادي عامين، خرجو فكاياك حاركين من الفنيدق لاسبانيا، باش يبدلو اوضاعهم المزرية لي كيعيشوها.
وقالت الصحيفة ان الزوجين لي تزوجو هادي عامين، كانو كيعيشو فطنجة أوضاع مزرية، لا فلوس لا خدمة، هادشي خلاهم يمشيو مع جوج صحابهوم لكاستييخو ويخرجو فكاياك باش يحركو لاسبانيا.
عناصر الحرس المدني قدرات ترصد عبر الرادار الكاياك، وملي جاو لقاو الاشخاص الاربعة وشدوهوم داوهوم لمركز الاحتجاز.
القصة ديال الزوجين لقات صدى عن الصبليون لي تعاطفو معاهم، ولكن القانون هو القانون، غادي يبقاو فمركز احتجاز حتى يترحلو يلا ماقدموش طلب اللجوء في حالة يلا تقبل ليهم.