بالفيديو. ها أجواء تلقي الأطباء والفراملية ديال كازا لقاح "سينوفارم".. ومسؤول ل"كود": كلشي داز مزيان.. وفارماسيان: جبنا الجرعات اللي غاتكفينا فنهار وها درجة الحرارة اللي كيتخزن فيها الڤاكسان

الأجواء ديال تلقي الاطر الصحية للقاح فيروس كورونا المستجد اليوم فسبيطار 20 غشت فكازا كانت مزيانة، الناس فرحانين وناشطين، وكيعبرو لميكرو "كود" على ارتياحهم بتلقي جرعة اللقاح وثقتهم فيه.
رئيس مصلحة الشؤون المهنية فالسبيطار، عبد الله السالمي، أكد فتصريحو ل"كود" أن كلشي داز مزيان، والمستفيدين مرتاحين وماحسو بحتى أعراض
بدورو قال علاء الإدريسي ل"كود" أن الجرعات اللي جات للمستشفى كافية باش تغطي جميع المستفيدين اليوم، وان الجرعات كتخزن على درجة حرارة بين 2 و8 سيلسوس.
مزيد من التفاصيل فالفيديو