على سلامة.. اسماء لمنور محيحة بالعراسات فالدوحة من بعد شهورا بلا خدمة بسباب كورونا

من بعد أشهر طويلة في المغرب بلا خدمة لا ردمة، والالتزام باجراءات الحجر الصحي وعدم الخروج من المغرب بسبب فيروس كورونا، قدرات المغنية المغربية أسماء لمنور ترجع للخدمة.
لمنور دارت 2 عراسات في الدوحة وشاركات الناس فرحتهم وبارطاجات شوية من الخدمة ديالها في حساباتها الرسمية على مواقع التواصل.
اسماء لمنور دايرة بلاصتها في العالم العربي وهي من بين الأسماء المغربية المطلوبة في العراسات ديال الخليج بفضل صوتها وحضورها المتميزين.
وكيف ديما، اسماء لمنور حريصة تكون لابسة القفطان المغربي خارج البلاد وهادشي كيخليها ديما متميزة وكتعطي صورة زوينة على المغرب وتقاليدو.
https://www.instagram.com/p/CKHhasYJ0ui/?igshid=xt6lif4dmr52
https://www.instagram.com/p/CKCT3VAJJ6F/?igshid=f4fffbux5eex
https://www.instagram.com/p/CKCDfIwpJn_/?igshid=12m3y64q1zl1k